لمن يجرؤا فقط ((موضوع مناقشه))

السلام عليكم و رحمة الله و بركاته
نحن عاوزين ايه بجد ومن غير كدب ؟
ايه هدفنا ؟
مش هدفنا الجنة ؟
طيب بالراحة كدة و واحدة واحدة
انت دلوقتي عاوز تدخل الجنة أكيد صح ؟
طيب و هتدخلها بمناسبة ايه ؟
ايوة انت دفعت ثمنها ؟
قال رسول الله صلى الله عليه و سلم : " ألا إن سلعة الله غالية ألا إن سلعة الله الجنة "
دفعت الثمن دة و لا سايبها بظروفها ؟
أنا ممكن أموت قبل ما أدفع الثمن و بالتالي هروح مكان تاني صح ؟
طيب تخيل معايا كدة:
انت دلوقتي في قبرك " سواء عملت أعمالا صالحة أو لا "
و تلاقي موازين حسناتك بتتحرك أو موازين سيئاتك بتتحرك و بتزيد ؟؟؟؟؟
هل ممكن دة يحصل ؟؟؟
ايوة ممكن بس ازاي ؟
سمعت طبعا عن الحسنات الجارية و السيئات الجارية
او دي معناها اللي بيجري أجرها للعبد حتى بعد موته : ازاي بقى ؟؟؟
مثلا انا اديت لواحد صاحبي شريط فيه درس و سمعه و ربنا هداه بيه
يبقى من الحسنات الجارية و فيه امثلة تانية كتير
علمت احد التلاميذ القرأن زرعت شجرة الخ الخ
أو رفعت على النت درس و ربنا هدى بيه ناس كتير و الناس لسة بتحمل الدرس دة حتى بعد موتي
و الناس اللي حملوه اعطوه لغيرهم كمان
يبقى دي حسنات جارية تمام ؟
عداد الحسنات يزيد
أما لو رفعت فيلم أو أغنية و الناس برضه شغالة تحميل حتى بعد موتي
يبقى ساعتها اسمها ايه ؟ اسمها سيئات جارية
يعني حتى انت لو كانت حسناتك يدوب هتدخلك الجنة بالعافية هتيجي السيئات الجارية دي تخلص على حسناتك
انا مش عاوز اتكلم أكتر من كدة علشان الموضوع دة للمناقشة أصلا
و عاوزين إن شاء الله نوصل لمئات الردود
المناقشة عن :
انت عملت ايه للجنة ؟ و عاوزها و لا لا ؟ و حسناتك جارية و لا سيئاتك جارية ؟
براحتكم تسألوا و نجاوب مع بعض كلنا و الاسئله و الاجابات متاحة لكل المشاركين ان شاء الله
ابدأوا ياعضاء المنتدى ياريت نجاوب
جزاكم الله خيرا